Қазақстан қор биржасында (KASE) сегіз күндік салыстырмалы тыныштықтан кейін доллар бағамы күрт өсті: сауда қорытындысы бойынша американдық валютаның орташа өлшенген бағамы 448,72 теңгені құрап, бір тәулікте шамамен 5 теңгеге қымбаттады. Еуро бағамы да сонша өсіп, оның орташа өлшенген мәні 493,22 теңгеге жетті, деп хабарлайды infohub.kz сайты.
Бір аптадан астам уақыт бұрын Қазақстанда доллардың биржалық құны 445 теңгеден төмендеп, келесі күндері осы деңгейден төмен сақталған еді. Алайда бүгін жағдай күрт өзгерді.
Ел мегаполистеріндегі айырбастау пункттері 15:30-да Kurs.kz порталының деректеріне сәйкес қолма-қол долларды сатып алу және сату бағамдарын былай белгіледі: Астанада сатып алу — 445 теңге, сату — 452 теңге; Алматыда сатып алу — 444-тен 450 теңгеге дейін, сату — 450-ден 452,7 теңгеге дейін; Шымкентте сатып алу — 448-ден 449,5 теңгеге дейін, сату — 451-ден 452,5 теңгеге дейін.
Еуро бағамы да 5 теңгеден астам өсті. Ел айырбастау пункттері қолма-қол еуроны сатып алу және сату бағамдарын былай белгіледі: Астанада сатып алу — 490 теңге, сату — 500 теңге; Алматыда сатып алу — 485-тен 494 теңгеге дейін, сату — 494-тен 500 теңгеге дейін; Шымкентте сатып алу — 490-нан 494 теңгеге дейін, сату — 495-тен 500 теңгеге дейін.
Қазақстан қаржыгерлер қауымдастығында (ҚҚҚ) атап өткендей, кеше биржада жоғары сауда белсенділігі байқалып, долларға сұраныс артқан, бұл оның бағамының өсуіне себеп болды.
«Шетел валютасын сатып алу тартымды бағамға және бағамдық күтулердің нашарлауына байланысты да, сыртқы қарызды өтеу қажеттілігі мен тауар импортының маусымдық өсуіне байланысты да жүргізілген болуы мүмкін», — дейді ҚҚҚ-да.
Еске салайық, бұған дейін қазақстандық талдаушы теңге қайта бағаланған және доллар қымбаттауы мүмкін деп мәлімдеген. Ал біз американдық валюта бағамының бес жыл ішінде қалай өзгергенін бақылап көрдік.
Сонымен қатар Қазақстанда алтын бағасы соңғы 1,5 жылдағы ең төмен деңгейге түсті, ал әлемдік нарықта мұнай арзандады.
Нақты бағалар, жеңілдіктер және тұрмыстық экономика туралы көбірек білу үшін «Цены от Екатерины Сохаревой» Telegram-арнасын оқыңыз. Жазылу үшін сілтемеге өтіңіз.


