Қазақстан Ұлттық банкі базалық мөлшерлемені төмендеткенін жариялаған күні биржадағы доллар бағамы үш теңгеге өсті. Қазақстан қор биржасындағы (KASE) шетел валюталары саудасының қорытындысы бойынша доллардың орташа өлшенген бағамы 451,05 теңгені құрады, деп хабарлайды infohub.kz сайты.
Бағамның қозғалысы біркелкі болмады. Өткен бейсенбіде биржадағы доллар бағамы 454,14 теңгеге дейін көтерілсе, кейінгі күндері ол біртіндеп төмендеп, кеше 447,94 теңгеге жетті. Бүгін ахуал өзгерді — американдық валюта құлдыраудың бір бөлігін қайтарып алды.
Ел мегаполистеріндегі айырбастау пункттері 15:30-дағы жағдай бойынша, Kurs.kz порталының дерегінше, қолма-қол долларды сатып алу мен сатудың мынадай бағамдарын белгіледі. Астанада сатып алу — 448 теңге, сату — 455 теңге. Алматыда сатып алу — 448-ден 452 теңгеге дейін, сату — 452,3-тен 455 теңгеге дейін. Шымкентте сатып алу — 451-ден 451,5 теңгеге дейін, сату — 452,3-тен 453 теңгеге дейін.
Еуро бағамы да сонша өсті: оның 15:30-дағы орташа өлшенген мәні 506 теңгені құрайды. Елдегі айырбастау пункттері қолма-қол еуроны сатып алу мен сатудың мынадай бағамдарын белгіледі. Астанада сатып алу — 500-ден 503 теңгеге дейін, сату — 513 теңге. Алматыда сатып алу — 498,5-тен 506 теңгеге дейін, сату — 507-ден 510 теңгеге дейін. Шымкентте сатып алу — 503-тен 505 теңгеге дейін, сату — 506,5-тен 510 теңгеге дейін.
Айта кетейік, бүгін Қазақстан Ұлттық банкі базалық мөлшерлемені 16,25%-дан 15,75%-ға төмендетті. Енді ел банктері теңгедегі салымдар бойынша пайызды азайта алады. Егер салымшылар осының салдарынан шетел валютасындағы депозиттерге көбірек көңіл бөлсе, бұл теңгенің әлсіреуіне белгілі бір дәрежеде ықпал етуі мүмкін.