Қазақстанда ұлттық валюта нығайып келеді: 2026 жылғы 16 қыркүйекте бірқатар ақша айырбастау пунктінде АҚШ долларының бағамы 440 теңгеден төмен түсті. Бұл туралы infohub.kz сайты хабарлайды.
Америкалық валютаның құны биржа саудасында да, айырбастау пункттерінде де арзандап жатыр. 14 қыркүйектегі сауда қорытындысы бойынша АҚШ доллары алғаш рет 450 теңгеден төмендеді, ал 16 қыркүйекте Қазақстан қор биржасында (KASE) орташа өлшенген бағам тағы шамамен 3 теңге жоғалтып, 444,88 теңгеге жетті.
Елдегі кейбір айырбастау пунктінде сағат 15:30-да Kurs.kz порталының дерегінше, халық үшін сатып алу бағамы 440 теңгеден төмендеді. Мегаполистерде қолма-қол АҚШ доллары бойынша мынадай бағам орнады:
Астана: сатып алу — 443 теңге, сату — 450 теңге;
Алматы: сатып алу — 439-дан 445,9 теңгеге дейін, сату — 446-дан 447 теңгеге дейін;
Шымкент: сатып алу — 444-тен 444,5 теңгеге дейін, сату — 446-дан 447,5 теңгеге дейін.
Сонымен қатар еуро бағамы да шамамен 2,39 теңгеге төмендеді. Оның сағат 15:30-дағы орташа өлшенген мәні 513,82 теңге. Елдегі айырбастау пункттері қолма-қол еуро бойынша мынадай сатып алу және сату бағамын белгіледі:
Астана: сатып алу — 511 теңге, сату — 521 теңге;
Алматы: сатып алу — 508-ден 514 теңгеге дейін, сату — 514,8-ден 525 теңгеге дейін;
Шымкент: сатып алу — 510-нан 516 теңгеге дейін, сату — 517-ден 520 теңгеге дейін.
Нақты бағалар, жеңілдіктер және тұрмыстық экономика туралы көбірек білу үшін «Цены от Екатерины Сохаревой» Telegram-арнасын оқыңыз.