Әлемдегі ең үлкен толық электрлік ұшақ сынақ ұшуын сәтті аяқтап, таңғаларлық үнемділігін көрсетті: 27 минут әуеде болу небәрі 5 доллар тұратын электр энергиясын қажет етті, деп хабарлайды infohub.kz сайты.
Heart Aerospace компаниясы өзінің толық көлемді X1 электрұшағының сынағын өткізді. Салмағы 11 тоннадан асатын әуе кемесі Нью-Йорк штатының солтүстігіндегі Платтсбург халықаралық әуежайынан көкке көтеріліп, шамамен 335 метр биіктікке жетті. Қанаттарының ұзындығы 32 метрден асатын X1 әзірге ұшқан ең үлкен электрұшақ атанды.
Модель бортындағы аккумуляторлардан қуат алатын төрт электр қозғалтқышымен жабдықталған. Ұшу кезінде ұшақ бір мегаватттан астам энергия жұмсады. Бұл прототип аймақтық әуе тасымалына арналған 30 орындық ES-30 гибридті жолаушы ұшағын жасауға негіз болады.
Компания негізін қалаушы Андерс Форслундтың айтуынша, сәтті ұшу электр тартымының коммерциялық авиацияда қолданылуының нақты екенін дәлелдейді. ES-30 моделін пайдалану 2031 жылға жоспарланған. Мұндай технологияларды енгізу әуе компанияларының операциялық шығындарын 40 пайыздан астамға азайтып, аймақтық рейстерді қолжетімді етеді.