Қазақстандық полицейлер заңды табыс табуға уәде беріп, адамдарды алдап тартатын есірткі желісін жоюға бағытталған ауқымды халықаралық операцияға қатысты. Анықталғандай, тартымды жұмыс хабарландыруларының астарында адамдарды есірткі бизнесіне тарту жасырынған, ал одан шығуға тырысқандарды қатаң жазалаған... деп хабарлайды infohub.kz.
ІІМ мәліметінше, қылмыскерлер колл-орталық операторлары, HR-менеджерлер, химиктер, курьерлер, логистер және қойма қызметкерлері лауазымдарына қызметкерлер іздеген. Сонымен қатар, «закладчиктер» деп аталатындарды да жинаған.
«Қылмыстық құрылым ішінде қатаң ережелер болған. Қылмыстық әрекеттен бас тартуға тырысқан адамдарға айыппұл салынып, ұрып-соғып, заңсыз ұстаған. Тартымды жұмыс хабарландыруларының астарында жұмысқа орналастыру емес, адамды есірткі бизнесіне тарту жасырынған, одан оған енді шығуға рұқсат етілмеген», – деді ІІМ есірткі қылмысына қарсы іс-қимыл комитеті төрағасының орынбасары Қуандық Әлжанов.
Құқық қорғау органдары анықтағандай, халықаралық құрылымды көрші мемлекеттің 36 жастағы азаматы ұйымдастырған. Оны жою операциясы бір жылдан астам уақытқа созылды. Оған Украина мен Албанияның құқық қорғау органдары, Қазақстан мен Украинаның бас прокуратуралары, Интерпол және АҚШ-тың есірткіге қарсы күрес басқармасы қатысты.
Тергеу барысында Украинада вербовкалық колл-орталықтарда 26 тінту жүргізіліп, 4 мыңға жуық цифрлық дәлел алынды. Оларды зерттеу Telegram-дағы 31 есірткі дүкенін анықтауға, схеманың ұйымдастырушылары мен жүздеген вербовкаланған адамдарды анықтауға көмектесті. Қазақстанның ІІМ олардың республикада есірткі таратуға ықтимал қатыстылығын тексерді.
Мамыр айында Киевте және Киев облысында тағы 70 тінту жүргізіліп, қылмыстық қоғамдастықтың 27 белсенді мүшесі анықталды. Шілдеде тергеу әрекеттері Қазақстанда жалғасты: мұнда 15 тінту жүргізіліп, есірткі сатуға күдіктілер ұсталды.
Тағы 35 тінту Украинаның бес облысында және Киевте өтті. Құқық қорғаушылар вербовкаға жауапты желінің екі буынын жойды. Синтетикалық есірткі қоспасы бар 24 келі, 3,5 мыңнан астам самокрутка және 2 мыңға жуық оралған пакет тәркіленді. Жеті адам ұсталды, тағы тоғызына айып тағылды.
Тергеу жалғасуда. Құқық қорғау органдары халықаралық желінің ұйымдастырушылары мен қалған қатысушыларын анықтап жатыр.