Израиль президенті Ицхак Герцог жаңа үкіметті құруды оппозиция көшбасшысы Гади Айзенкотқа тапсырмақшы. Ол жақында өткен парламенттік сайлауда қазіргі премьер-министр Биньямин Нетаньяхудың басты қарсыласы атанған еді, деп хабарлайды infohub.kz сайты.
РИА Новости агенттігінің мәліметінше, Израиль президентінің кеңсесінде былай деп мәлімдеді: «Бүгін кешке (2026 жылғы 7 қарашада) президент «Яшар» партиясының көшбасшысы Гади Айзенкотқа үкімет құруды тапсыру ниеті туралы хабарлады».
Герцог Айзенкотты жексенбі күні өз резиденциясына шақырып, оған келесі үкіметті құру мандатын тапсырмақ.
DW дерегінше, саясаткерге билеуші коалиция құру үшін 28 күн беріледі. Қажет болса, президент бұл мерзімді тағы 14 күнге ұзарта алады. Алайда мандаттың өзі саясаткердің Израильдің жаңа премьер-министрі болып автоматты түрде тағайындалуын білдірмейтіні атап өтіледі.
Бұған дейін Израильдегі парламенттік сайлау қорытындысы бойынша ешбір блок көпшілік дауысқа ие болмағаны хабарланған. Сондай-ақ Израиль президенті премьерлікке кандидатты 8 қарашада, жексенбі күні жариялайтыны айтылған.