«Уэнсдэй» сериалының жұлдызы Дженна Ортега ерлерге арналған Esquire журналына түскен ашық фотосессиясымен жанкүйерлерін таңғалдырды. Суреттер оның Instagram парақшасында жарияланды, деп хабарлайды infohub.kz сайты.
23 жастағы америкалық актриса бірнеше кейіпте көрінді, бірақ ең жарқыны — кеудесі ашық, бюстгалтерсіз киілген мөлдір шілтер көйлек болды. Фотосуретте Ортега шашы жайылған күйде түсті. Басқа кадрларда жұлдыз жоғары жағалы топпен қара атлас шортта, сондай-ақ қара-ақ түсті көлемді көйлекте көрінді.
Пікірлерде жазылушылар актрисаның әдемі киімдерін ғана емес, өзгерген дене бітімін де атап өтті. «Таңғажайып қыз», «Әдемі, әдеттегідей», «Сен жақсысың ба? Біраз тамақ же», «Біреу оған тамақ берсін», «Арықтап кетіпті», — деп жазды олар пост астына. Дженнаның Instagram-да 37,7 миллион жазылушысы бар.
IMDB сайтының дерегіне сәйкес, Дженна Ортега 2002 жылы 27 қыркүйекте Калифорнияда дүниеге келген. Ол 9 жасында Disney арнасындағы телехикаяда дебют жасап, киноға түсе бастады. Қазір жас актрисаның еншісінде 15-тен астам фильм бар. Айта кету керек, Ортега соңғы жылдары жиі хоррорларға түседі, сол үшін оны жаңа буынның «айқай ханшайымы» деп атайды. Актрисаға Netflix-тің әйгілі сериалындағы Уэнсдэй Аддамс рөлі ерекше танымалдық әкелді.