Алматылық «Қайрат» футбол клубының УЕФА Конференциялар лигасының жалпы кезеңіндегі барлық ықтимал қарсыластары белгілі болды. Еурокубоктың маңыздылығы бойынша үшінші турнирінің іріктеуі аяқталды, енді 36 команда қарсыластарын анықтайтын жеребеге дайындалуда, деп хабарлайды infohub.kz сайты.
«Қайрат» Чемпиондар лигасының үшінші іріктеу кезеңінде сүрініп, кейін Еуропа лигасының іріктеу плей-оффында бельгиялық «Андерлехттен» ұтылып қалған соң, Конференциялар лигасының негізгі кезеңіне жолдама алды. Алматылықтар еурокубоктағы жолын жалпы кезеңнен бастайды.
28 тамызда өтетін жеребе кезінде «Қайрат» алты себеттің төртіншісіне түседі. Әр команда әр себеттен бір қарсыластан алады және үш ойынды өз алаңында, үш ойынды қонақта өткізеді.
Себеттердің толық құрамы төмендегідей:
Бірінші себет: «Аталанта» (Италия), «Аякс» (Нидерланд), «Брага» (Португалия), «Фрайбург» (Германия), «Монако» (Франция), «Копенгаген» (Дания).
Екінші себет: «Мидтьюлланд» (Дания), «Црвена Звезда» (Сербия), «Гент» (Бельгия), «Панатинаикос» (Грекия), «Пафос» (Кипр), «Брайтон» (Англия).
Үшінші себет: «Лугано» (Швейцария), «Хетафе» (Испания), «КуПС» (Финляндия), «Твенте» (Нидерланд), «Линкольн Ред Импс» (Гибралтар), «Борац» (Босния және Герцеговина).
Төртінші себет: «Сент-Трюйден» (Бельгия), «Бранн» (Норвегия), «Хартс» (Шотландия), «Қайрат» (Қазақстан), «Трабзонспор» (Түркия), «Университатя Крайова» (Румыния).
Бесінші себет: «Рига» (Латвия), «Хайдук» (Хорватия), «Яблонец» (Чехия), «Норшелланн» (Дания), «Орхус» (Дания), «Интер Клуб Эскальдес» (Андорра).
Алтыншы себет: «Тун» (Швейцария), ЦСКА (Болгария), «Кауно Жальгирис» (Литва), «Мьельбю» (Швеция), «Иберия 1999» (Грузия), «Эгнатия» (Албания).
Конференциялар лигасының жалпы кезеңі 15 қазанда басталады. Алты тур қорытындысы бойынша үздік сегіз команда 1/8 финалға шығады, ал 9-дан 24-орынға дейін орналасқан клубтар плей-оффтың іріктеу матчтарында өнер көрсетеді.