Қазақстан премьер-лигасының (ҚПЛ) 2026 жылғы маусымындағы алматылық «Қайрат» пен жезқазғандық «Ұлытау» арасындағы матч жабық режимде өтетінін infohub.kz сайты хабарлайды.
Командалардың кездесуі бастапқыда тоғызыншы тур аясында жоспарланған еді, бірақ маусым барысында кейінге шегерілді. Сонымен қатар, 15 тамызда Алматыдағы Орталық стадионда матч өткізу мүмкін болмады, себебі бір күн бұрын сол жерде Канье Уэстің концерті өтеді.
Бұған дейін «Қайрат» клубы ойын Тимур Сегізбаев атындағы клуб базасында өтетінін хабарлаған болатын. Жаңа релизде клуб матчтың жабық режимде өтетінін атап өтті.
«Ойын өтетін орынның өзгеруі концерттен кейін Орталық стадиондағы демонтаж жұмыстарына байланысты. Инфрақұрылымдық шектеулер мен трибуналардың сыйымдылығының төмендігіне байланысты матч жабық режимде өтеді», — деп түсіндірді «Қайратта».
Сонымен қатар, тікелей трансляция стандартты форматта ұйымдастырылады. Атап айтқанда, матч KFF League YouTube-арнасында көрсетіледі.