Жаз мезгілінде Қазақстанның 28 ақылы жол учаскесінде көлік құралдарының 25,8 млн жүрісі тіркелді. Республикалық маңыздағы ең танымал трассаларды «ҚазАвтоЖол» ҰК» АҚ атады, деп хабарлайды infohub.kz сайты.

Компанияның Telegram-арнасында нақтылағандай, 1 маусымнан 31 тамызға дейін республикалық маңыздағы жолдарда көліктер тәулігіне орта есеппен 281 мыңға жуық жүріс жасаған.

Жаздың ең жүктелген бағыттары: Алматы — Қонаев — 4,3 млн-нан астам жүріс; Шымкент — Өзбекстан шекарасы — 2,68 млн жүріс; Шымкент — Тараз — 1,87 млн жүріс.

«Қозғалыс қарқыны Тараз — Қайнар, Астана — Теміртау, Астана — Щучинск, Шымкент — Қызылорда және Қонаев — Талдықорған бағыттарында да жоғары болды. Ең сұранысқа ие он учаскенің өзіне 18,2 млн-нан астам жүріс, яғни ақылы желідегі жазғы трафиктің шамамен 71%-ы тиесілі», — деп атап өтті компанияда.

«ҚазАвтоЖол» дерегінше, автокөлік сапарларының географиясы елдің ірі қалалары арасындағы бағыттарға да, танымал туристік және рекреациялық аймақтарға баратын бағыттарға да сұраныстың жоғары екенін көрсетеді.

2026 жылғы 1 маусымнан 31 тамызға дейінгі жүріс саны бойынша ақылы учаскелер рейтингі:

Алматы — Қонаев — 4 310 266;
Шымкент — ӨР шекарасы — 2 682 324;
Шымкент — Тараз — 1 872 053;
Тараз — Қайнар — 1 815 796;
Астана — Теміртау — 1 493 818;
Астана — Щучинск — 1 460 655;
Шымкент — Қызылорда — 1 408 438;
Қонаев — Талдықорған — 1 202 409;
Щучинск — Көкшетау — 1 063 372;
Тараз айналма жолы (Қайнар — Шымкент) — 945 725;
Қостанай — Денисовка — 853 586;
Астана — Павлодар — 837 185;
Қарағанды — Балқаш — Бұрылбайтал — 788 183;
Алматы — Хоргос — 767 108;
Көкшетау — Петропавл — 591 025;
Қызылорда — Арал — 567 233;
Павлодар — Семей — Қалбатау — 461 152;
Шу — Бұрылбайтал — 392 358;
Ақтөбе — РФ шекарасы (Орынбор) — 376 518;
Қандыағаш — Мақат — 297 804;
Талдықорған — Өскемен — 286 907;
Қостанай — РФ шекарасы (Троицк) — 281 813;
Үшарал — Достық — 267 250;
Павлодар — РФ шекарасы (Омбыға) — 262 766;
Орал — РФ шекарасы (Самараға) — 192 314;
Орал — РФ шекарасы (Саратовқа) — 169 382;
Бұрылбайтал — Құрты — 128 487;
Бейнеу — Ақжігіт (ӨР шекарасы).