Қазақстанда көлік құралы конструкциясының қауіпсіздігі туралы куәлік (СБКТС) алу үшін автомобильдерге сынақ жүргізетін зертханаларды тексеру тәсілі өзгеріп жатыр. Енді құрал-жабдықтың болуы тек құжаттармен ғана емес, фото және бейнетүсіріліммен де расталады, деп хабарлайды infohub.kz сайты.
ҚР СИМ КТРМ Ұлттық аккредиттеу орталығы сынақ зертханаларын бағалаудың жаңа тетігін енгізді. Сарапшылар әрбір жабдық бірлігін – зауыттық нөмірін, жай-күйін, өлшеу диапазонын және жұмыс процесін тіркейді.
Сонымен қатар, бақылау сынақтары бейнеге жазылады. Бұл жабдықтың болуын, жұмыстардың өз бетінше жүргізілуін және қажетті персоналдың болуын растауға мүмкіндік береді.
Осылайша, тек формальды аккредиттеу жеткіліксіз болады. Тексерушілер жабдықтың тікелей зертханада орналасқанын және мақсаты бойынша қолданылатынын көре алады.
Ведомствоның мәліметінше, жаңа тетік арқылы 55 зертхана бағаланған.
Сонымен қатар, ҰАО СБКТС беруге байланысты зертханаларда жабдықты сәйкестендіруді енгізуде. Арнайы таңбалау оны бағалау кезінде тексеруге мүмкіндік береді.
18 тамыздағы жағдай бойынша мұндай сәйкестендіруден 40 аккредиттеу субъектісі өткен.
Көлік сынақ зертханалары үшін де талап белгіленді: қажетті жабдықтың кемінде 95% компанияның меншігінде болуы тиіс. Бұл жабдықты тек тексеру кезінде уақытша әкелетін жағдайларды болдырмауға мүмкіндік береді.
Қазір фото және бейнетіркеу пилоттық режимде қолданылуда. Келесі кезең – жаңа тәртіпті заңнамалық тұрғыдан бекіту, содан кейін түсірілім аккредиттеудің міндетті рәсіміне енеді.