Қазақстанда 2027 жылы ауқымды кибержаттығулар өткізу жоспарланып отыр. Оған елдегі ірі банктер қатысады. Реттеуші олардың кибершабуылдарға қарсы тұру қабілетін тексермек, деп хабарлайды infohub.kz сайты.
Бұл туралы Қаржы нарығын реттеу және дамыту агенттігі (ҚНАРДА) төрағасының орынбасары Тимур Әбілқасымов KazHackStan 2026 алаңында мәлімдеді.
«Цифрлық стратегия мен қаржы нарығына жасанды интеллектті жаппай енгізу аясында бізде қадағалау бағасы бар. Біріншісі – корпоративтік басқару. Бұл – банктердің ресурстарын, олардың командаларын, кадрмен қамтамасыз етілу деңгейін және процестердің қалай құрылғанын бағалау. Екіншісі – ауқымды кибержаттығулар. Келесі жылы қадағалау жаттығуы ретінде ауқымды кибержаттығулар жоспарланып отыр, оған банк секторы активтерінің шамамен 90%-ын құрайтын ірі банктер қатысады», – деді ҚНАРДА төрағасының орынбасары.
Әбілқасымовтың айтуынша, пилоттық кезең аясында агенттік банктердің кибершабуылдарға қарсы тұруға дайындығын ғана емес, мұндай шабуылдар сәтті болған жағдайда жүйелерінің жұмысын жедел қалпына келтіру қабілетін де тексеріп үлгерген.
Болашақта мұндай жаттығулар банктердің кибертөзімділігін бағалайтын құралға айналады.