Көкшетауда полиция шетелге заңсыз жұмысқа орналастыруға байланысты алаяқтық ісін тергеп жатыр. Жергілікті тұрғын ресми жұмыссыз жүріп, бірнеше жыл бойы азаматтарды алдап, Ұлыбританияға жұмысқа баруға көмектесемін деп ондаған миллион теңге жинаған, деп хабарлайды infohub.kz сайты.
Алаяқтық схемасы әлеуметтік желілер арқылы жүзеге асырылған. 2023 жылдан 2026 жылдың қаңтарына дейін күдікті Ұлыбританияға баруға құжаттарды рәсімдеу қызметін белсенді түрде ұсынған. Ол жұмыс визасын рәсімдеу, медициналық сақтандыру, биометриядан өту және әртүрлі алымдар үшін ақша алған. Қаражатты қолма-қол және аударым арқылы қабылдаған, бірақ уәделерінің ешқайсысын орындамаған.
Қазіргі уақытта іс бойынша 93 адам жәбірленуші ретінде танылған. Алдын ала бағалау бойынша, жалпы шығын шамамен 60 миллион теңгені құрайды. Тергеу органдары Қазақстан Республикасы Қылмыстық кодексінің 190-бабының 4-бөлігі бойынша («Аса ірі көлемдегі алаяқтық») қылмыстық іс қозғады. Күдіктіге қатысты үйқамақ түріндегі бұлтартпау шарасы таңдалды. Тергеу жалғасуда.