Компьютерде ұзақ уақыт бір қалыпта отыру саусақтардың ұюына, әлсіздікке, тіпті қолдың ауыруына жиі әкеледі. Алайда мамандардың айтуынша, мәселенің көзі ыңғайсыздық сезілетін жерде емес. Шын себептің қайда екенін физиотерапевт Владимир Карасенко айтып берді... деп хабарлайды infohub.kz.
Дәрігердің сөзінше, қолдың ұюы — ағзаның сигналы. Себепті нерв тікелей қысылатын жерден іздеу керек. Ал ол үш жерде қысылуы мүмкін: білекте — туннельдік синдром (бас бармақ, сұқ саусақ және ортаңғы саусақ ұйиды); шынтақта — кубитальды канал синдромы (шылдыр шүмек және аты жоқ саусақ ұйиды); мойында — жүйке тамырының қысылуы (иықтан саусаққа дейін бүкіл қол ұйиды).
Өзіңізді қалай тексеруге болады? «Білек сынағы (карпальды туннель синдромы): қолды телефон ұстағандай төмен бүгіп, бір минут ұстаңыз. Егер ұю күшейсе — бұл білек. Шынтақ сынағы (шынтақ нерві): қолды шынтақтан 90° бүгіп, бір минут ұстаңыз. Егер ұю пайда болса — бұл шынтақ», — деді дәрігер. Мойынға келсек, оны қол ұйыған жаққа басты ию арқылы тексеруге болады. Егер ұю күшейсе немесе ауырсыну пайда болса, онда қолдың ұюының себебі мойында.
Себепті тапқаннан кейін не істеу керек? Карасенко атап өткендей, егер білек ұйыса, тышқанмен жұмыс істегенде қолдың орнын өзгертуге болады. Сондай-ақ эргономикалық пернетақтаны қолдануға, жұмыста үзіліс жасауға кеңес беріледі. Ал егер шынтақ болса, қолды сағаттап 90° бүгіп ұстамаңыз, жұмыс кезінде шынтаққа сүйенбеңіз, әр 15–20 минут сайын қолды жазыңыз, үзіліс жасаңыз. Егер мәселе мойында болса, монитордың биіктігін тексеру қажет (экранның жоғарғы үштен бірі көз деңгейінде болуы керек), басты алға шығармаңыз, «иекті артқа тарту» жаттығуын жасаңыз.
«Егер ұю үнемі қайталанса, позаны ауыстырғаннан кейін де басылмаса немесе қолда әлсіздік пайда болса — бұл дәрігерге көрінуге себеп», — деп атап өтті физиотерапевт. Бұған дейін Карасенко ұйықтар алдында кейде бүкіл дененің неге кенеттен дірілдеп кететінін түсіндірген болатын.