Қостанай облысында полиция қызметкерлері балықшылар қауымдастығының туымен келе жатқан автокөлік шеруіне қатысушыларды жауапкершілікке тартты, деп хабарлайды infohub.kz сайты.
Облыстық полиция департаментінің баспасөз қызметінде атап өткендей, әлеуметтік желілерде назар аударуға деген ұмтылыс Арқалықтағы автокөлік шеруіне қатысушылар үшін әкімшілік жауапкершілікке әкеп соқты.
Жедел басқару орталығының камераларының көмегімен полицейлер жол қозғалысы ережелерін өрескел бұзу фактілерін анықтады. Оқиға орнына полиция қызметкерлері жіберілді, олар бейнежазбада көрініп тұрғандай, автокөлік шеруінің жолын жауып тастады. Барлық бұзушылардың жеке басы анықталып, олар әкімшілік жауапкершілікке тартылды.
Сонымен қатар, әлеуметтік желілерде жолаушылардың қозғалыс кезінде көлік терезелерінен және люктерінен сыртқа шығып, болып жатқан оқиғаны ұялы телефондарына түсіріп, қауіпсіздік талаптарын өрескел бұзғаны көрсетілген бейнежазбалар тарады.
Тексеру барысында басқару құқығы жоқ көлік жүргізушісі де анықталды.
Қостанай облысы полиция департаментінде 3 тамызда қала күніне орай Арқалықта балық аулаудан жарыстар өткенін қосты. Көліктердің бірінің терезесінен желбіреткен ту балықшылар қауымдастығының туы болып табылады.