Ресей президентінің баспасөз хатшысы Дмитрий Песков Украинадағы жанжалдағы жеңіс "өте жақын" екенін және әскери қимылдардың сәтті өтіп жатқанына сенімді екенін мәлімдеді, деп хабарлайды infohub.kz сайты.
БРИКС саммиті қарсаңында журналистерге арналған брифингте сөйлеген Песков: "Біз жеңіс (Украинадағы жанжалда - ред.) өте жақын екеніне сенімдіміз. Біз әскери әлеуетімізге, әскери қимылдарымызға өте сенімдіміз, олар өте сәтті өтіп жатыр", - деп атап өтті.
Оның айтуынша, егер Киев билігі қиын шешімдерге дайын болса, жанжал әлдеқайда ерте аяқталуы мүмкін еді. "Егер Киевте жауапкершілікті өз мойнына алып, өте қиын шешімдер қабылдайтын біреу табылса, соғыс әлдеқашан аяқталуы мүмкін еді", - деп қосты ол.
Еске салайық, өткен демалыс күндері АҚШ-тың арнайы өкілі Стив Уиткофф пен Ақ үйдің кеңесшісі Джаред Кушнер Мәскеуге барып, Ресей көшбасшысы Владимир Путинмен келіссөздер жүргізді. Кейін олар Украина президенті Владимир Зеленскиймен кездесті. Осыдан кейін Уиткофф Зеленский, Путин және Трамп қатысатын ықтимал келіссөздер туралы пікір білдірді.