Ресей Премьер-лигасының жетінші турында Самараның «Крылья Советов» командасы мен «Краснодар» арасындағы матч 2:2 есебімен тең аяқталып, жеңімпаз анықталмады, деп хабарлайды infohub.kz.
Кездесу «Солидарность Самара Арена» стадионында өтті. 17-минутта қонақтар екі доп айырмашылығымен алға шықты: колумбиялық шабуылшы Джон Кордоба (3-минут) және анголалық вингер Жоау Батчи (17-минут) гол соқты.
Екінші таймда алаң иелері есепті теңестіре алды. Босниялық жартылай қорғаушы Амар Рахманович 55-ші және 79-шы минуттарда қарсылас қақпасына екі доп соғып, дубль жасады.
Қазақстан құрамасының вингері Ислам Чесноков «Крылья Советов» сапында старттық құрамда алаңға шығып, бірінші таймнан кейін ауыстырылды. Осы уақыт ішінде ол допқа 12 рет қағып, бес пас берді, оның үшеуі дәл болды.
Самаралық команда жеті ұпай жинап, қосымша көрсеткіштер бойынша «Оренбург»-ты басып озып, тоғызыншы орынға көтерілді. «Краснодар» РПЛ маусымында алғаш рет жеңіске жете алмады. Ресейдің қазіргі вице-чемпионы 19 ұпаймен турнир кестесінде көш бастап тұр.