Mojang студиясы Nintendo Switch 2 консоліне арналған Minecraft нұсқасының шығарылым күнін ресми түрде жариялады. Ойын сәулелерді трассировкалау және жаңартылған Super Mario Mash-Up жиынтығымен шығады, деп хабарлайды infohub.kz сайты.
Швециялық Mojang Studios студиясы танымал Minecraft песочницасының толық нұсқасын жаңа Nintendo Switch 2 консоліне шығаратынын ресми түрде мәлімдеді. Ойын ойыншыларға 2026 жылдың 27 қазанында қолжетімді болады. Бұған дейін жоба жаңа консольде тек кері үйлесімділік режимінде қолжетімді еді.
Басты жаңалық — әдепкі бойынша қосылатын Vibrant Visuals графикалық режимі. Ол жақсартылған жарықтандыруды, шынайырақ көлеңкелерді, тұманды және сапалы графикалық эффектілерді қамтамасыз етіп, таныс кубтық әлемді айтарлықтай жаңартады. Технология Minecraft Marketplace ішкі дүкеніндегі көптеген материалдарда да қолдау табады. Nintendo платформаларына эксклюзивті Super Mario Mash-Up жиынтығы да жаңа графикалық мүмкіндіктерге бейімделеді.
Әзірлеушілер түпнұсқа Nintendo Switch нұсқасының иелері цифрлық жаңарту бағдарламасын пайдалана алатынын растады, ал барлық сақталған әлемдер автоматты түрде ауыстырылады. Жаңартудың мәліметтері мен шарттарын Mojang шығарылымға жақындап ашады.