Алматыдағы Арбатта «Go» музыкалық студиясы жұмысын бастады. Мұнда 20 қыркүйекке дейін 30-дан астам әртіс жазба жасап, тірі концерттер өткізеді, деп хабарлайды infohub.kz сайты.
Студия 32 күн бойы жұмыс істейді. Күндізгі уақытта музыканттар келушілердің көз алдында жаңа тректер жазып, шығара алады, ал кешке мұнда концерттер өтеді.
Жобаға V $ X V PRiNCE, ALEM, A.Z., KABDOL, M’Dee, Yenlik, Ayau, ALPHA, AYREE, Moreart, Liili және IL’HAN сияқты орындаушылар қатысады. Сонымен қатар, студияда Оңтүстік Кореяның K-pop әртісі Chrich өнер көрсетіп, қазақстандық музыкант Bonapart-пен бірлескен трек жазады.
20-22 тамыз аралығында студияда музыкант hatikoali жұмыс істейді. Ол өзінің жаңа INDI/GO альбомының жасалу процесін көрсетеді. Келушілер тректердің жазылуын бақылап, контент түсіріп, ресми шығарылымға дейін демо-нұсқаларды тыңдай алады.
Студия Арбатта 20 қыркүйекке дейін ашық болады. Концерттердің кестесі Яндекс Музыканың әлеуметтік желілерінде жарияланады.