Нигерияның Сокото штатындағы Горау қаласында қайық аударылып, кемінде 40 бала қаза тапты, деп хабарлайды infohub.kz.
Әлемдік БАҚ деректеріне сәйкес, адамдарды тасымалдаған қайық аударылған кезде апат болған. Куәгерлердің айтуынша, бортында 70-ке жуық адам болған. Негізінен бұлар күріш жинауға бара жатқан 10 бен 15 жас аралығындағы балалар еді. Билік өкілдері судан 40 бала мен 3 ересек адамның денесі табылғанын мәлімдеді. 16 адамды құтқару мүмкін болды. Апат орнында құтқару жұмыстары жалғасуда.
Айта кету керек, Нигерияда жолаушылар кемелерінің қатысуымен болатын мұндай оқиғалар сирек емес. Мұндай апаттардың басты себептері — кемелердің шамадан тыс жүктелуі, олардың техникалық жағдайы мен пайдаланылуына тиісті бақылаудың болмауы, сондай-ақ кеме жүру ережелерінің бұзылуы.
Осындай соңғы ірі апат биылғы жылдың қаңтарында Йобе штатында болған еді. Сонда ағып тұрған кеме аударылып, 25 адам қаза тапқан болатын.