Шымкенттік «Ордабасы» «Жетісу»мен қонақта ірі жеңіске жетіп, Қазақстан футбол чемпионатындағы көшбасшылығын нығайтты. Матч 4:0 есебімен аяқталды, деп хабарлайды infohub.kz сайты.
Талдықорғандағы ойында Астанов бауырлары ерекше көзге түсті: 18-минутта кішісі Эльхан, ал 78-минутта үлкені Сұлтанбек гол соқты. Олардың голдарының арасында, үзілістен кейін бірден бразилиялық Лео Нател, ал 80-минутта отандасы Эвертон Маседо нүкте қойды.
Норвегиялық шабуылшы Берн Йонсен бұған дейін қатарынан алты матчта қарсыластар қақпасын дәлдеген еді, енді екінші рет қатарынан голсыз алаңнан кетті. Дегенмен, «Қайраттан» төрт ұпайға озып тұрған Андрей Мартин командасында скандинавиялықсыз да гол соғатын ойыншылар жеткілікті.
Турдың тағы бір матчында аутсайдер «Алтай» өз алаңында «Қызылжарды» жеңе жаздады. Фарерлік Йоханнес Бьорталидтің голынан кейін есепте ұтылып тұрып, иелері Ибрагим Дадаев пен Никола Джамбордың дәл соққыларымен есепті теңестіріп қана қоймай, алға шықты. Тек қосымша уақытта ивуарлық Этьен Бегре қонақтарға теңдік әкелді — 2:2.
Жексенбіде 21-тур «Астана» — «Оқжетпес», «Атырау» — «Ақтөбе» және «Елімай» — «Ертіс» матчтарымен жалғасады. «Қайрат» — «Жеңіс» және «Тобыл» — «Қайсар» кездесулері клубтардың еурокубоктерге қатысуына байланысты кейінге шегерілді, жаңа күндері кейінірек белгіленеді.