Прагада өткен Oktagon 92 турнирінде өзбекстандық аралас жекпе-жек шебері Махмуд Мурадов чемпиондық жекпе-жекте әсерлі жеңіске жетті, деп хабарлайды infohub.kz.
Спортшы шоудың басты жекпе-жегінің алдындағы кездесуде өнер көрсетіп, жартылай ауыр салмақта (93 келіге дейін) дебют жасады. Оның қарсыласы ирландиялық Уилл Флери болды.
Бес раундқа жоспарланған жекпе-жек мерзімінен бұрын аяқталды: екінші кезеңнің басында-ақ Мурадов қарсыласын нокаутқа жіберді. Осылайша, 36 жастағы өзбекстандық Флериден чемпиондық белбеуді тартып алып, Oktagon-ның жартылай ауыр салмақтағы жаңа чемпионы атанды.
Айта кетейік, Мурадов алдыңғы жекпе-жегінде орта салмақта уақытша белбеуге ие болған еді. UFC-ден кеткеннен кейін ол төрт жекпе-жектің барлығында жеңіске жетті. Оның кәсіби мансабында барлығы 30 жеңіс, 8 жеңіліс және бір жекпе-жек өтпей қалған.
Уилл Флери үшін бұл жеңіліс қатарынан алты жеңістен тұратын серияны үзді. 37 жастағы ирландиялық Oktagon-ның ауыр салмақтағы чемпион атағын сақтап қалды. Оның еншісінде 17 жеңіс, 4 жеңіліс және бір нәтижесіз жекпе-жек бар.
Еске салайық, Oktagon еуропалық лигасының ең жеңіл салмақтағы чемпионы — қазақстандық файтер Жалғас Жұмағұлов.