InfoHub Logo

Пәкістан үкіметі Дональд Трампты бейбітшілік саласындағы Нобель сыйлығына ұсынды. Ел билігі АҚШ-тың бұрынғы президенті Үндістан мен Пәкістан арасындағы шиеленісті бәсеңдетуге және аймақтағы тұрақтылықты сақтауға үлкен үлес қосты деп есептейді.

Исламабадтың мәлімдеуінше, Трамп екі ядролық держава – Үндістан мен Пәкістан арасындағы қатынасты дипломатиялық жолмен реттеуде «стратегиялық көрегендік пен мемлекеттік даналық» танытқан. Бұл туралы Пәкістан үкіметі X (бұрынғы Twitter) желісіндегі ресми парақшасында хабарлады.

Айта кетейік, Трамп бұған дейін де Нобель сыйлығына ұсынылған болатын. 2021 жылы ол соңғы 30 жылда соғыс бастамаған алғашқы АҚШ президенті ретінде кандидаттар тізіміне енген еді.

Truth Social әлеуметтік желісінде пікір білдірген Трамп:

«Мен бұл марапатқа әбден лайықпын, бірақ оны ешқашан алмаймын», – деп жазды.

Үндістан мен Пәкістан арасындағы оқ атуды тоқтату туралы келісімнің АҚШ-тың арағайындығымен қалай жүзеге асқаны туралы толық ақпаратты осында оқуға болады.