Павлодардағы Толстой көшесі, 96-үйдің ауласында бейнебақылау камерасы ер адамның аяусыз соққыға жығылғанын тіркеді. Бұл оқиғаға облыстық полиция департаменті түсініктеме берді, деп хабарлайды infohub.kz.
Жарияланған кадрларда бір ер адам екіншісін әйелге жақындатып, «Ол ма?» деп сұрайды. Содан кейін оны бетінен ұрады. Жәбірленуші қашуға тырысады, бірақ оны тағы бір ер адам тоқтатады. Шабуылшы оны жығып, асфальтқа құлаған кезде аяғымен басы мен денесіне соққылар жасайды. Жәбірленуші тағы да қашуға әрекеттенеді, бірақ оны қайтадан тоқтатады. Содан кейін шабуылшы оны көтеріп, жерге лақтырып, қолымен және аяғымен соққылауды жалғастырады.
Мұның бәрі куәгерлердің көз алдында өтеді. Жәбірленушіні жақындатқан әйел шабуылшыны тынышталуын өтінеді. Бір сәтте жәбірленуші қозғалуды тоқтатады. Бейнеде аяусыз соққыдан кейін ол әрең тұрып, теңселіп кеткені, ал шабуылшы оны қуып бара жатқаны көрінеді.
Павлодар облысы полиция департаментінің NUR.KZ тілшісіне хабарлауынша, бұл факті бойынша қылмыстық іс қозғалған. Күдікті ұсталып, уақытша ұстау изоляторына қамалған. Қазір тергеу жалғасуда.