Перуда авиаапат болды: туристері бар ұшақ құлап, 11 жолаушы, сондай-ақ ұшқыш пен экскурсовод қаза тапты, деп хабарлайды infohub.kz сайты.
Жергілікті дереккөздердің мәліметінше, оқиға Наска провинциясының Пуэбло-Вьехо ауданында, Мария-Рейхе әуежайының маңында болған. Aerodiana компаниясына тиесілі әуе кемесі Пискодан ұшып, әйгілі Наска геоглифтерінің үстінен шолу рейсін орындаған.
Бортта жеті италиялық, екі неміс және екі испандық болған, ал экипаждың екі мүшесі де перулықтар. Қаза тапқандардың жасы 18 бен 78 аралығында.
Ұшақ Наска әуежайына қонуға кіру кезінде диспетчерлермен байланысын жоғалтқан. Оқиға орнына келген құтқарушылар аман қалғандар жоқ екенін растап, OB-2001 тіркеу нөмірі бар әуе кемесінің өрт толығымен жойылғанын анықтады.
Ұшқыш жергілікті уақыт бойынша 13:01-де апат сигналын берген, содан кейін байланыс үзілген. Апаттың себептері анықталып жатыр.