Петропавлда бес жасар бала ата-анасымен демалып жатқан қонақүйдің екінші қабатының терезесінен құлап кетті. Оқиға өткен демалыс күндері болған. Отбасы Солтүстік Қазақстан облысына басқа өңірден келген, деп хабарлайды infohub.kz.
Astana TV-дің мәліметінше, бала ата-анасымен бірге қонақүйде болған. Қазіргі уақытта құқық қорғау органдарының қызметкерлері оқиғаның мән-жайын анықтап, қайғылы оқиға кезінде ересектердің қайда болғанын анықтауда.
Баланы жедел жәрдем көлігімен облыстық көпбейінді балалар ауруханасына жеткізген. Дәрігерлер оның жағдайын тұрақты ауыр деп бағалауда. Балада мидың шайқалуы, сондай-ақ оң жақ жамбас, балтыр және табан аймағында жарақаттар мен гематомалар анықталған. Қазір ол төсек режимінде жатып, хаттама бойынша ем алуда. Операция қажет болған жағдайда жасалады, деп хабарлады Солтүстік Қазақстан облысы денсаулық сақтау басқармасының баспасөз хатшысы Гүлнар Қалиева.
Айта кетейік, жыл басынан бері өңірде балалардың терезеден құлауының он жағдайы тіркелген.