Қазақстанның әйелдер жеке сынындағы екінші ракеткасы Юлия Путинцева 2026 жылғы АҚШ ашық чемпионатындағы өнерін аяқтады, деп хабарлайды infohub.kz.
Әлемдік рейтингте 84-орында тұрған спортшы екінші айналымда Чжэн Циньвэньмен кездесті. Қытайлық — бұрынғы әлемнің төртінші ракеткасы және Париж-2024 олимпиада чемпионы. Ол рейтингте 121-сатыда және US Open негізгі торына іріктеу арқылы өтті.
Матч толық үш сетке созылып, Чжэннің 6:4, 2:6, 6:1 есебімен жеңісімен аяқталды. Теннисшілер кортта 2 сағат 37 минут өткізді.
Путинцева үш эйс жасады, төрт қос қателік жіберді және тоғыз брейк-пойнттың төртеуін пайдаланды.
Қазақстандық спортшы әйелдер жұбында италиялық Элизабетта Коччареттомен бірге өнер көрсетуі тиіс еді. Бірақ олардың дуэті бірінші айналым алдында жарыстан шығып қалды.
Осылайша, Путинцева маусымдағы соңғы Үлкен дулыға турниріндегі өнерін толық аяқтады. Әйелдер жеке сынында қазақстандықтардан тек Елена Рыбакина қалды.