Әлеуметтік желілерде Қазақстан Республикасының Қаржы министрі Мади Такиев «инвестициялық қызметпен айналысуға лицензия» бергені туралы жалған ақпарат тарап жатыр. Қаржы министрлігі бұл жазбаларға ресми түрде жауап беріп, азаматтарды сақ болуға шақырды, деп хабарлайды infohub.kz сайты.
«Бұл ақпараттың шындыққа жанаспайтынын және шындыққа сәйкес келмейтінін хабарлаймыз. Қазақстан Республикасының Қаржы министрлігі қаржы нарығындағы брокерлік, дилерлік, инвестициялық немесе өзге де кәсіби қызметті лицензиялауды жүзеге асырмайды», — делінген ведомство мәлімдемесінде.
Министрлікте түсіндіргендей, Қазақстан заңнамасына сәйкес инвестициялық компаниялардың, брокерлердің және қаржы нарығының өзге де кәсіби қатысушыларының қызметін лицензиялау, тіркеу және қадағалау уәкілетті мемлекеттік органның айрықша құзыретінде.
«Қазақстан Республикасының қаржы нарығында қызмет ұсынатын кез келген ұйым заңда белгіленген тіркеу рәсімінен өтіп, қолданыстағы заңнама аясында тиісті рұқсат алуға міндетті», — деп атап өтті Қаржы министрлігінде.
Қаржы министрлігі азаматтарды сақ болуға және қаржы ұйымдарының заңдылығын тек ресми мемлекеттік тізілімдер арқылы тексеруге шақырды.