InfoHub Logo

Ресей президентінің инвестициялық-экономикалық ынтымақтастық жөніндегі арнайы өкілі Кирилл Дмитриев ғарыштан келгендерге үндеу жасап, Ұлыбритания премьер-министрі Кир Стармерді отставкаға кетуге көндіруге көмектесуді сұрады.

Бұл туралы Infohub.kz ақпарат агенттігі хабарлайды.

Кирилл Дмитриев өзінің хабарламасын X әлеуметтік желісінде жариялады. «Құрметті ғарыштан келгендер, адамзатпен байланысқа дайындалып жатқанда, Кир Стармерді отставкаға кетуге көндіру арқылы өздеріңіздің құдіретіңіз бен мейірімділіктеріңізді көрсетіңіздер. Ешқандай ұрлау немесе зондтау болмасын – тек оған адамдардың оны қалай ойлайтынын және отставкаға кету арқылы батыс өркениетіне қалай үміт сыйлай алатынын түсіндіріңіз», - деп жазды Дмитриев.

Бұған дейін Ресей президентінің арнайы өкілі адамдар мен ғарыштан келгендерді Стармердің отставкасын күту «біріктіргенін» айтып, әзілдеген болатын. Сондай-ақ, ол өзінің жазбасына 2000 жылғы «Гладиатор» фильмінен үзінді келтірілген гиф-суретті тіркепті. Онда Максим Децим Меридийдің «Егер біз бірге тұрсақ, біз аман қаламыз» деген сөзі бар.