Сәтбаевта 54 рет жол ережесін бұзған жүргізуші ұсталды
Сәтбаев қаласының полициясы жол қозғалысы ережелерін 54 рет бұзған 26 жастағы жүргізушіні анықтады. Ол Mercedes-Benz маркалы көлігімен жүйткіп, бірнеше рет жылдамдықты асырған.
Құқық бұзушыны полиция «Қорғау» бағдарламасы арқылы тапты. Бұл жүйе ереже бұзған көліктерді автоматты түрде анықтап, полицейлердің қызметтік планшетіне хабарлама жіберіп отырады. Тексеру барысында жүргізушінің жол қозғалысы ережелерін бірнеше рет елемегені және жылдамдықты шектен тыс асырғаны белгілі болды.
Айыппұл сомасы – 2 миллион теңге
Ереже бұзушылықтардың салдарынан жүргізушіге жалпы сомасы 2 миллион теңге айыппұл салынды. Қазіргі уақытта көлік арнайы айыппұл тұрағына қойылды.
Полицейлер тұрғындарды жол ережесін сақтауға және қауіпсіздік шараларын қатаң ұстануға шақырады.
You Might Also Like
-
Тіл – мәдениеттің айнасы, ал дұрыс аударма – оған деген құрметтің көрсеткіші. Жақында әлеуметтік желіде тараған "Золотое яблоко" дүкеніндегі "Тени для век" өнімінің "Ғасырларға арналған көлеңкелер"...
-
АҚШ пен Ресей Сауд Арабиясында бірқатар маңызды мәселелер бойынша келіссөз жүргізіп, өзара келісімге қол жеткізді.
