Шығыс Қазақстан облысының Алтай қаласында ер адам толық жалаңаш күйінде көшеге жүгіріп шығып, автокөлік жүргізушілерін үркітті. Оқиғаның видеосын EGOV.PRESS Telegram-арнасы жариялады, деп хабарлайды infohub.kz.
Кадрларда ер адамның жолдың жүру бөлігінде жүргені көрінеді, ал қасындағы экранда прокуратураның құқықтық тәртіпті сақтау туралы әлеуметтік жарнамасы көрсетіліп тұр. Куәгерлер оның есірткі әсерінде болуы мүмкін деген болжам айтты.
Шығыс Қазақстан облысы полиция департаменті «Курсивке» оқиға 1 тамызда болғанын хабарлады. «Полиция қызметкерлері қала көшелерінің бірінде қоғамдық тәртіпті бұзып, әдепсіз күйде жүрген ер адамды анықтады. Азаматтар мен ер адамның қауіпсіздігін қамтамасыз ету үшін ол тексеруден өту үшін медициналық мекемеге жеткізілді», — делінген полиция хабарламасында.
Тексеруден кейін дәрігерлер ер адамның ауруханада одан әрі болуы қажет емес деген қорытындыға келді. Шыққаннан кейін тәртіп бұзушы ұсақ бұзақылық үшін әкімшілік жауапкершілікке тартылды. Алтай ауданы сотының қаулысымен ер адамға бес тәулік әкімшілік қамауға алу жазасы тағайындалды. Полиция куәгерлердің оның есірткі әсерінде болғаны туралы ақпаратын растамады.
Бұған дейін «Курсив» Ақтөбе тұрғыны Грекияда заңсыз мигрант тасымалдағаны үшін 125 жылға сотталған 24 жастағы ұлына СІМ-нің көмектесуін сұрағанын жазған болатын. Министрлік қазақстандық дипломаттар оған консулдық-құқықтық көмек көрсетіп жатқанын растады, ал жағдай ведомствоның бақылауында тұр.