Қазақстандық рэпер Скриптонит Killa Crossavah атты жаңа сайд-жобасын таныстырып, «The Roof» трегіне клип шығарды. Жаңа бүркеншік атпен әртіс әдеттегі дыбысталуынан айтарлықтай алыстап, рэп пен трэпте тәжірибе жасап жүр, деп хабарлайды infohub.kz сайты.
Тамыз айының соңында Killa Crossavah «Medoed Mixtape Vol.1» атты дебюттік микстейпін шығарды. Онда 15 трек бар: кейбіреулері дыбысталуы жағынан Gruppa Skryptonite-ті еске түсірсе, басқалары классикалық рэпке көбірек ұқсайды.
«The Roof» клипі әзірге жобаның telegram-арнасында ғана қолжетімді. Бұған дейін дәл осы бүркеншік атпен сол микстейптегі «Spliff» трегіне бейнебаян шыққан.
Скриптониттің жанкүйерлері оның пост астындағы реакциясына қарағанда, жаңа жобаны жылы қабылдап, әртістің кезекті экспериментін бағалады. Ал әлеуметтік желілерде клиптің үзіндісі кездейсоқ тап болған көптеген қолданушы Killa Crossavah-тың ерекше читкасы мен дыбысталуын түсінбеді. Көпшілік аудитория үшін трек тым бейтаныс болып шықты, сондықтан жоба, шамасы, Жалеловтың шығармашылығымен жақсы таныс әрі оның стиліне дайын тыңдармандарға арналған.
Скриптонит (шын есімі Әділ Жалелов) – Павлодар облысынан шыққан қазақстандық рэпер және музыкалық продюсер, Musica36 лейблінің негізін қалаушы. Әртіс тек жеке релиздерімен ғана емес, көптеген музыкалық жобаларымен де танымал. 2018 жылы ол шығармашылығын Скриптонит және Gruppa Skryptonite (соул, фанк және альтернативті хип-хоп) деп екіге бөлді. Енді оларға Killa Crossavah қосылды.
Бұған дейін Kursiv LifeStyle Скриптониттің Алматы мен Астанада концерттері бар әлемдік тур жариялағанын жазған болатын.