Қазақстандық семсерлесушілер Гонконгтағы әлем чемпионатында жеке сында жоғары нәтиже көрсете алмады. София Актаева рапирадан 49-орын, ал Артем Саркисян саблядан 51-орынға ие болды, деп хабарлайды infohub.kz.
Актаева қазақстандық рапирашылар арасында алдын ала кездесулерде ғана сәтті өнер көрсетті. Алайда 1/32 финалда команда көшбасшысы америкалық Джозефина Конвейден 10:15 есебімен жеңіліп, қорытынды 49-орынға тұрақтады.
Сол айналымда қазақстандық сабляшылар да сәтсіздікке ұшырады. Артем Саркисян қытайлық Чженпень Шенге 8:15 есебімен ұтылды, Куаныш Ергашбай отандасы Женхао Вейден 7:15 есебімен жеңілді, ал Назарбай Саттархан Париж-2024 олимпиадасына қатысқан Оңтүстік Корея құрамасының мүшесі До Ген Доннан 9:15 есебімен қапы қалды. Қорытынды есеп бойынша Саркисян 51-орын, Ергашбай 53-орын, Саттархан 56-орын алды.
Рапирашылар мен сабляшылардың жеке сынындағы жүлдегерлер бүгін кешке белгілі болады. Осы қару түрлері бойынша командалық жарыстар 30 шілдеде, Гонконгтағы турнирдің соңғы күні өтеді.
Семсерлесуден әлем чемпионаты 71-ші рет өтуде. Алғашқы әлемдік дода 1921 жылы ұйымдастырылды. Турнирде 12 жүлделер жиынтығы ойнатылады. Алғашқы жүлдегерлер 25 шілдеде, екінші жиынтық кеше анықталды. 2026 жылғы әлем чемпионатының жүлде қоры 1,02 миллион долларды құрайды.
Қазақстан құрамасының тізімі сайтта қолжетімді.