Байқоңыр ғарыш айлағынан 2026 жылғы 14 шілдеде сағат 19:47-де (Қазақстан уақыты) «Союз-2.1а» тасығыш зымыраны «Союз МС-29» ғарыш кемесімен ұшырылды. Бортта үш адамнан тұратын халықаралық экипаж бар, деп хабарлайды infohub.kz сайты.
Экипаж құрамына Роскосмос ғарышкерлері Петр Дубров (командир) және Анна Кикина (бортинженер), сондай-ақ NASA астронавты Анил Менон (бортинженер) кірді. Менон үшін бұл алғашқы ұшу болса, Дубров пен Кикина орбитаға екінші рет аттанып отыр.
Ғарыш кемесінің белгіленген орбитаға шығуы, зымыранның үшінші сатысынан бөлінуі, антенналар мен күн батареяларының ашылуы қалыпты режимде өтті. Кеме Жерді екі рет айналып өтіп, Халықаралық ғарыш станциясының ресейлік сегментіндегі «Причал» модуліне қосылады. Қосылу Қазақстан уақыты бойынша сағат 22:56-ға жоспарланған.
Экипаж орбитада шамамен сегіз ай болады және 2027 жылдың сәуірінде Жерге қайтады.
13 шілдеде Байқоңырға NASA директоры Джаред Айзекман келіп, экипажды шығарып салу рәсіміне қатысты. Айзекман бұған дейін экипаж құрамына оның досы Анил Менон енгізілгенін атап өткен еді. Ол астронавттың әйелі Анна Айзекманмен бірге 2024 жылы Polaris Dawn миссиясына қатысқан. Айзекман NASA басшылығына 2025 жылдың желтоқсанында келді.
Зымыранды кемемен бірге құрастыру-сынау корпусынан шығарып, 12 шілдеде ұшыру кешеніне орнатты. Одан кейін мамандар кеме жүйелері мен жерүсті жабдықтарына соңғы тексерулер жүргізді.