Алматы тұрғыны пәтерін мерзімінде әрі сапасыз жөндеген мердігерге қарсы сотқа жүгінді. Істің мән-жайын infohub.kz сайты хабарлайды.
Жамбыл облысы соттарының баспасөз қызметінің мәліметінше, сот азаматша М.-ның жеке кәсіпкерге қатысты құрылыс мердігерлік шартын бұзу және ақша қаражатын өндіріп алу туралы талабын қанағаттандырған.
2025 жылдың қазан айында тараптар арасында Алматыдағы пәтерде жөндеу жұмыстарын жүргізуге келісімшарт жасалған. Жөндеу құны 6,2 млн теңгені құраған. Талапкер жауапкерге жұмыстың алғашқы үш кезеңі үшін 4,7 млн теңге төлеген. Алайда жөндеу толық көлемде орындалмаған, ал жұмыс сапасы мен қолданылған материалдар келісімшарт талаптарына сәйкес келмеген.
Пәтер иесі кемшіліктерді жоюды бірнеше рет талап еткен, бірақ нәтиже болмаған. Сот деректеріне сәйкес, кейін мердігердің пәтерге кіруі тоқтатылып, шарттық қатынастар іс жүзінде аяқталған.
Жауапкер талапты мойындамай, жұмыстың бір бөлігі орындалғанын, ал пәтерге кіру мүмкіндігі болмағандықтан жөндеуді аяқтай алмағанын мәлімдеген.
Сараптама қорытындысы бойынша, нақты орындалған жұмыстар мен материалдардың құны 1,4 млн теңгені құраған. Барлық бөлмелердегі плитканы бұзып, толық ауыстыру құны 760 мың теңгеге бағаланған.
Сот мердігердің келісімшартты елеулі түрде бұзғанын, соның салдарынан талапкер шарт жасасу кезінде күткен нәтижеден айырылғанын анықтаған.
Сот шешімімен келісімшарт бұзылған. Жауапкерден талапкердің пайдасына 3,9 млн теңге, нотариаттық және өкілдік шығындар, сондай-ақ сараптама шығындары жалпы сомасы 385 мың теңге өндірілген.