Тим Кук Apple компаниясының бас директоры қызметіндегі он бес жылдық мансабын аяқтады. Өкілеттіктер ресми түрде компанияның ардагері Джон Тернусқа тапсырылды, деп хабарлайды infohub.kz сайты.
Бас директор қызметінен кеткеннен кейін Кук директорлар кеңесінің атқарушы төрағасы болады. Компанияның мәліметінше, ол «компания қызметінің кейбір аспектілеріне, соның ішінде әлем бойынша саясаткерлермен өзара іс-қимылға көмек көрсететін болады». Кук 2011 жылдың 24 тамызында Стив Джобсты ауыстырып, Apple бас директоры болған еді. Джобс ауруына байланысты қызметінен кеткен болатын.
Жаңа бас директор Джон Патрик Тернус компанияда 2001 жылдан бері жұмыс істейді. Ол қарапайым инженерден топ-менеджерге дейінгі жолды өтіп, қазір бизнестің барлық аппараттық бөлігіне жауапты. Айта кетейік, жаңа бас директордың жақын арада тағайындалатыны биылғы жылдың сәуір айында белгілі болған еді. Кейінірек Apple-дегі кадрлық өзгерістердің неге байланысты екендігі туралы ақпарат пайда болды.
Айта кету керек, осы уақытта Apple пайдаланушылары жаңа iPhone презентациясын күтуде — компания жаңа өнімдерін келесі аптада, 9 қыркүйекте таныстыруды жоспарлап отыр.