Қазақстан Президенті Қасым-Жомарт Тоқаев Египет Президенті Әбділфаттах Ас-Сисиге ұлттық мереке – Революция күніне орай құттықтау жеделхатын жолдады, деп хабарлайды infohub.kz сайты.
Мемлекет басшысы өз жолдауында египеттік әріптесін ғана емес, бүкіл Мысыр Араб Республикасының халқын құттықтады.
«Достық пен өзара түсіністікке негізделген екіжақты қатынастар бұдан былай да екі халықтың игілігі үшін дами беретініне сенім білдірді», – делінген жеделхат мәтінінде.
Тоқаев екі ел арасындағы ынтымақтастықты одан әрі нығайтудың маңыздылығын атап өтіп, қарым-қатынастардың берік негізін айтты. Сондай-ақ ол Әбділфаттах Ас-Сисиге жауапты қызметінде табыс тіледі.
«Мысыр халқына – бақ-береке мен гүлдену», – делінген құттықтауда.