Дональд Трамп Ормуз бұғазын «Трамп бұғазы» деп қайта атауды ұсынып, бұл су жолы АҚШ әскерінің бақылауында екенін алға тартты, деп хабарлайды infohub.kz.
Америка президенті өзінің Truth Social әлеуметтік желісінде: «Енді ол АҚШ бақылауында болғандықтан, Ормуз бұғазын "Трамп бұғазы" деп өзгерту керек емес пе? Американың өзі сияқты, ол да бұрынғыдан да "ыстық" болады!» деп жазды.
Бұған дейін, биылғы жылдың наурыз айында, АҚШ президенті Ормуз бұғазын «Америка бұғазы» деп атау немесе оған өз атын беру мүмкіндігін байыппен қарастырып жатқаны хабарланған еді. Сол кезде Трамп бұл мүмкіндікті жоққа шығармай, бұл тақырыпта көпшілік алдында әзілдеген болатын.
Ол сонда: «Оларға Трамп бұғазын ашуға тура келеді. Ормузды айтып отырмын. Кешіріңіз, кешірім сұраймын. Қандай жаман жаңылыс. Әрине, жалған жаңалықтар оның тілінің шалысқанын айтады. Бірақ жоқ — менде кездейсоқтық болмайды. Болмайды да» деп мәлімдеген.