АҚШ президенті Дональд Трамп қорғаныс министрі Пит Хегсеттен оқ-дәрілердің елеулі тапшылығына қатысты түсініктеме талап етті. Бұл тапшылық АҚШ-тың Иранға қатысты әскери мүмкіндіктерін шектеуі мүмкін, деп хабарлайды infohub.kz сайты.
Washington Post газетінің хабарлауынша, Ақ үй басшысы әскери қорлардың жай-күйі туралы оны адастырғанына наразылық білдірген. Бұл оқиға Кэмп-Дэвидтегі министрлер кабинетінің отырысында болған.
Трамп оқ-дәрі тапшылығы мәселесі шешілді деп ойлаған, алайда ұзақ қашықтыққа ұшатын басқарылатын зымырандар мен әуе шабуылына қарсы қорғаныс құралдарының тапшылығы туралы деректерге тап болған. Дереккөздердің айтуынша, дәл осы қару-жарақ тапшылығы Иранға соққы беруден бас тартуға себеп болған.
Қорғаныс министрі Пит Хегсеттің өзі болса, қалыптасқан жағдайға орынбасары Стивен Файнбергті кінәлап, оның президентке қорлардың жай-күйі туралы толық ақпарат бермегенін мәлімдеген.
Еске салайық, шілде айының соңында Пит Хегсет Иранмен қақтығыс шығындары 37,5 млрд долларды құрағанын хабарлаған. Сонымен қатар, CNN деректері бойынша, АҚШ осы қақтығыс барысында зымыранға қарсы қорғаныс жүйелері қорының шамамен 80 пайызын жұмсаған.