АҚШ президенті Дональд Трамп Ресей көшбасшысы Владимир Путин НАТО елдерінің аумағына шабуыл жасамайтынын мәлімдеді, деп хабарлайды infohub.kz сайты.
Америкалық көшбасшының айтуынша, Мәскеу Солтүстік атлантикалық альянс аумағына шабуыл жасауды жоспарлап отырған жоқ. «Мен мүлдем алаңдамаймын. Ешқандай проблема жоқ», — деді Трамп Axios басылымына берген телефон сұхбатында.
Трамптың бұл мәлімдемесі Орталық барлау басқармасының (ЦРУ) директоры Джон Рэтклиффтің Мәскеуге сапары аясында айтылды. Сейсенбіде ол Ресей сыртқы барлау қызметінің басшысы Сергей Нарышкинмен кездесті.
The Wall Street Journal басылымын қоса алғанда, бірқатар БАҚ бұл сапар Мәскеуге НАТО елдеріне шабуыл жасауға жол берілмейтіні туралы ескертуді жеткізумен байланысты болуы мүмкін деп хабарлады. Алайда Трамп бұл ақпаратты да жоққа шығарды. Оның айтуынша, Рэтклиффтің сапары «қарапайым жұмыс сапары» болған.
«Рэтклифф өзінің ресейлік әріптесімен жарты жылда немесе жылына бір рет кездеседі. Олардың қарым-қатынасы өте жақсы. Ешқандай хабарлама болған жоқ және ешқандай ерекше жағдай орын алған жоқ», — деді Трамп.
Сонымен қатар, еуропалық көшбасшылар соңғы кездері Ресейдің НАТО-ға қатысты ықтимал әрекеттеріне алаңдаушылық білдіруде, деп жазады Reuters. Бұл, атап айтқанда, альянстың ұжымдық қорғаныс принципін сақтауға дайындығын тексеруі мүмкін шектеулі әскери арандатуларға қатысты. Бұл принцип НАТО келісімінің 5-бабында бекітілген.
Еуропалық және американдық арнайы қызметтер де Ресейдің «сұр аймақтағы» әрекеттері туралы айтуды жалғастыруда, бұл Reuters деректері бойынша НАТО-ның бірлігін және Украинаға қолдау көрсетуді әлсіретуге бағытталған.
Бұған дейін «Курсив» Трамптың кімге дракондық санкциялармен қорқытқаны туралы айтқан болатын.