АҚШ президенті Дональд Трамп пен Украина басшысы Владимир Зеленскийдің қарым-қатынасы 2025 жылғы ақпанда Ақ үйде болған жанжалдан бергі ең төмен деңгейге түсті. Бұл туралы Wall Street Journal журналы жазды, оның материалын РИА Новости келтірді, деп хабарлайды infohub.kz сайты.
Басылым атап өткендей, Трамп журналистерге Зеленский украин дағдарысын бірнеше рет реттей алатынын, бірақ оны істемегенін айтты. Оның сөзінше, Украинаға жаңа көшбасшы керек.
«Зеленскийге айтылған бұл сын (олардың) қарым-қатынасындағы ең төмен нүктені білдіреді... 2025 жылы Трамп Ақ үйге оралғаннан кейін көп ұзамай Овал кабинетінде болған жанжалдан бергі», — делінген Wall Street Journal жарияланымында.
Басылым сондай-ақ Еуропаның Трампты Киевке көмекті жалғастыру қажеттілігіне сендіру әрекеттеріне нұқсан келуі мүмкін екенін көрсетеді.
2025 жылғы 28 ақпан, жұма күні Украина басшысы Владимир Зеленский Ресеймен бітімгершілік және пайдалы қазбалар мәмілесі бойынша Трамппен келіссөздер жүргізу үшін Вашингтонға келді. Трамп оны Ақ үйдің табалдырығында қарсы алып, украин президенті «әшекейленіп алған» деп әзілдеді.
Келіссөздер алдында мемлекет басшылары баспасөз конференциясын өткізді, оның барысында Трамп, Зеленский және Вэнс арасында қатты жанжал туындады.