Республикалық партияның съезінде Дональд Трампты «Құдайдың елшісі» ретінде таныстырды — шара қонақтарына тиісті бейнеролик көрсетілді, деп хабарлайды infohub.kz сайты.
Агенттік тілшілерінің дерегінше, шенеуніктердің сөз сөйлеулері арасындағы үзілісте Трампты Құдай жіберген деп тұжырымдайтын ролик қосылды.
Басылымның мәліметінше, бейнеде Құдайға «таң атпай тұрып, осы елді ретке келтіруге, күні бойы жұмыс істеуге, марксистермен күресуге» дайын адам керек болғаны, содан кейін түн ортасына дейін мемлекет басшыларымен кездесу өткізетіні айтылады.
Сонымен қатар роликте Құдайға «жыландардың ұясына» кіруге және «тілдері жыландікіндей өткір» «жалған БАҚ-қа» қарсы тұруға дайын адам керек болғаны мәлімделді.
Басылым атап өткендей, бұл ретте Америка көшбасшысы өз қауымын «ешқашан тастамайтын» «адамзаттың бақташысы» ретінде көрсетілген.
«Сонда Құдай Трампты жаратты», — делінген роликте.
Еске салайық, бұған дейін Ақ үйдің басшысы өзін Иса бейнесінде жариялаған болатын. Кейін Трамп осы жанжалды жарияланымды өшіруді шешті.