Алдағы үш күнде Қазақстанда ауа райы күрт өзгереді — «Қазгидромет» синоптиктері атмосфералық процестердің ауысуы туралы ескертті, деп хабарлайды infohub.kz сайты.
Елде жауын-шашынсыз салқын ауа райын ұстап тұрған антициклонның орнына жаңбырлы циклон келеді. Ол найзағай мен дауылды желмен бірге нөсер жаңбыр әкеледі. Ауа райының қолайсыздығы ең алдымен батыс өңірлерді қамтиды, кейін солтүстікке таралады.
Алайда елдің оңтүстігінде Өзбекстаннан келген жылы ауа массаларының әсерінен жауын-шашынсыз жылы ауа райы сақталады.
Астанада 17 қыркүйекте бұлтты, жауын-шашынсыз ауа райы күтіледі. Оңтүстік-батыстан соққан жел екпіні 9–14 м/с жетеді. Түнде ауа температурасы +6…+8°С, күндіз +23…+25°С болады.
Алматыда да бұлтты, жауын-шашынсыз ауа райы орнайды. Жел 3–8 м/с жылдамдықпен соғады. Түнде ауа температурасы +12…+14°С, күндіз термометр бағаны +25…+27°С көрсетеді.
Шымкентте бұлтты, жаңбырсыз ауа райы болады. Жел екпінді: 15–20 м/с дейін. Түнде термометр +14…+16°С, күндіз ауа +28…+30°С дейін жылынады.
Бұған дейін «Курсив» 16 қыркүйекте Қазақстанда найзағайлы жаңбыр, қатты жел, тұман және шаңды дауыл болады деп болжаған. Астанада және елдің 16 облысында дауылды ескерту жарияланды.