Үрейге бой алдырмай, үйлерден эвакуациялау: Алматыда 21 мамырда сейсможаттығу өтеді
Алматыда жалпы қалалық сейсможаттығу өткізіледі, деп хабарлайды infohub.kz тілшісі. 21 мамыр cағат 10:00-де бүкіл қалада сиреналар қосылады.
"Автоматты түрде теле- және радиохабар тарату арналарының үзілуімен "Баршаңыздың назарыңызға!" деген электрлік сигналдар қосылып, халықты жүйенің техникалық дайындығын тексеру және сейсможаттығудың басталғаны туралы хабардар етеді", - деп мәлімдеді Алматы қаласы Төтенше жағдайлар департаменті (ТЖД).
Сирено-сөйлеу құрылғылары іске қосылған кезде білім беру мекемелерінде, адамдар көп жиналатын жерлерде сейсможаттығулар жүргізіліп, азаматтарды алдын ала белгіленген қауіпсіз орындарға эвакуациялау элементтері пысықталады.
"Осыған байланысты Алматы қаласы ТЖД тұрғындардан үрейге бой алдырмауды, ғимараттардан (пәтерлерден, үйлерден, тұрақты тұратын орындардан) эвакуациялау элементін пысықтауға қатысуды сұрайды", - деп қосты ведомство өкілдері.
ТЖД мәліметінше, қалада баспанасыз қалған "жәбірленуші" халықты қабылдайтын барлық 384 пункт іс жүзінде ашылады.
You Might Also Like
-
Жеті жасыңыз құтты болсын! Бұл туған күніңіз сіз үшін қиялдарыңыздың орындалуы және жаңа мүмкіндіктердің бастауы болсын. Сізге ойын мен қуаныш, жаңа достықтар мен үйренулер толы жыл тілейміз. Өсіп ...
-
Әдістемелік ұсыныстар 2-сынып білім алушыларына «Дүниетану» пәні бойынша жиынтық бағалауды жоспарлау, ұйымдастыру және өткізуге көмек құралы ретінде құрастырылған. Бұл ұсыныстар (қазақ тілінде білім беретін) бастауыш сыныптың (1-4 сыныптары) «Дүниетану» пәні бойынша оқу бағдарламасы және оқу жоспарының негізінде дайындалған.
