Қазақстандық спортшы Виктор Друзин Будапеште өтіп жатқан артистикалық жүзуден жасөспірімдер әлем чемпионатында тағы да мәртебелі тұғырға көтерілді. Жарыстың соңғы күні ол ерлер арасындағы жеке еркін бағдарламада қола медаль жеңіп алды, деп хабарлайды infohub.kz сайты.
Друзин өнері үшін 257,1 ұпай алды. Алтынды 267,0 ұпай жинаған ресейлік Захар Трофимов, күмісті 264,4 нәтижемен испаниялық Энеко Санчес Агилар иеленді.
Бұл Виктордың биылғы әлем біріншілігіндегі екінші қоласы. Бұған дейін, 12 тамызда ол техникалық солода үшінші орын алған еді, онда жүлделі үштік бірдей болды: Трофимов жеңсе, Санчес Агилар екінші орынға тұрақтады.
Друзиннің қоласы 2026 жылғы жасөспірімдер әлем чемпионатындағы қазақстандық құраманың төртінші медалі болды. Алдыңғы күні Ясмина Исламова мен Алдияр Рамазанов аралас дуэттердің еркін бағдарламасында күміс жеңіп алса, Қазақстан командалық акробатикалық бағдарламада да күміс жүлдеге ие болды.
Жасөспірімдер әлем чемпионаты (U19) Будапеште 12-16 тамыз аралығында өтуде, оған 35 елден 300 спортшы қатысуда. Барлығы 11 жүлде жиынтығы ойнатылады. Қазақстан атынан 12 спортшы сынға түсуде.