Ресей Премьер-лигасының (РПЛ) алтыншы турында Санкт-Петербургтің «Зениті» қонақта Воронеждің «Факелін» 1:0 есебімен жеңді, деп хабарлайды infohub.kz.
«Факел» стадионында өткен кездесу қонақтардың жеңісімен аяқталды. Екінші таймға қосылған үшінші минутта пенальтиден соғылған гол шешуші болды. Дәл осы соққыны ресейлік шабуылшы Александр Соболев орындады.
Айта кету керек, «Зенит» азшылықта ойнап, жеңіске жетті: 85-минутта қорғаушы Игорь Дивеев тікелей қызыл қағаз алды.
Қазақстандық қорғаушы Нұралы Әліп петербургтіктердің негізгі құрамында алаңға шығып, барлық 90 минутты өткізді. Ойын барысында ол 73 пас берді, оның 59-ы дәл болды.
Осы жеңістің арқасында «Зенит» 12 ұпай жинап, турнир кестесінде екінші орынға көтерілді, алайда тур қорытындысы бойынша төмендеуі мүмкін. Мәскеудің «Спартак» және ЦСКА клубтарында да дәл сонша ұпай бар. «Краснодар» максималды 18 ұпаймен көш бастап тұр. «Факел» екі ұпаймен соңғы, 16-орында.