Бремендегі Макс Планк теңіз микробиологиясы институтының зерттеушілері бактериялар түзетін полигидроксиалканоаттарды жануарлардың ондаған түрі ыдыратып, сіңіре алатынын анықтады, деп хабарлайды infohub.kz сайты.
Биологтар бактериялар мен архейлердің табиғи полимерлер — полигидроксиалканоаттарды (ПГА) жасушаларында энергия көзі ретінде жинайтынын бұрыннан білетін. Бұған дейін бұл микробиологиялық биопластиктерді тек микроорганизмдер ыдырата алады деп есептелініп келген еді. Алайда "Nature Ecology & Evolution" журналында жарияланған зерттеу авторлары бұл қате түсінікті жоққа шығарды.
Ішексіз теңіз құрты Olavius algarvensis-ті зерттеу жануардың симбиотикалық бактериялары жинаған ПГА-ны қорыту үшін арнайы ферменттерді қолданатынын көрсетті. Каролин Цайдлер, Николь Дубилье және Мэгги Согин теңіз жұлдыздары, губкалар және жауын құрттарын қоса алғанда, тоғыз түрлі типтегі 66-дан астам жануар түрінде ұқсас ферменттер бар екенін анықтады.
Бұл жануарлар жүздеген миллион жыл бойы микроорганизмдер жинаған көміртегі қорларын пайдаланып келе жатқанын көрсетеді. Бұл жаңалық ғалымдардың жаһандық көміртегі айналымы және табиғаттағы биоыдырайтын материалдарды қайта өңдеу жолдары туралы түсінігін өзгертеді.