Qazaqstan shekarasynda qaýipti karantındik obektilermen zalaldanǵan 113 tonnadan astam ónimniń ákelinýine jol berilmedi. Iran men Reseıden kelgen salat, arpa jáne qyzanaq partıalary fıtosanıtarıalyq baqylaý kezinde toqtatyldy, dep habarlaıdy infohub.kz saıty.
Aýyl sharýashylyǵy mınıstrliginiń málimetinshe, Mańǵystaý oblysyndaǵy «Temir-Baba» avtomobıl ótkizý beketinde Irannan kelgen salmaǵy 9,9 tonna «Aısberg» salatynyń partıasynan batys gúl trıpsi (Frankliniella occidentalis) anyqtaldy. Dál osy qaýipti karantındik zıankes Aqtóbe oblysyndaǵy «Jaısan» baqylaý beketinde Reseı Federasıasynyń Orynbor oblysynan kelgen kólemi 0,7 tonna «Aısberg» salatynyń partıasynan tabyldy.
Sonymen qatar, Reseı Federasıasynan ákelingen jalpy kólemi 100 tonna azyqtyq arpanyń úsh partıasynan aýyl sharýashylyǵy alqaptaryna qaýip tóndiretin karantındik aramshóp — jorǵa maral (Acroptilon repens) anyqtaldy.
Aqtóbe oblysynda Reseı Federasıasynan kelgen salmaǵy 3 tonna qyzanaq partıasyn tekserý kezinde mamandar birden eki karantındik obektini anyqtady: ońtústikamerıkalyq qyzanaq kóbelegi (Tuta absoluta) jáne qyzanaq jemisiniń qońyr búdir vırýsy (Tomato brown rugose fruit virus).
Atalǵan derekter boıynsha hattamalar toltyrylyp, materıaldar sotqa joldanyp, aıyppuldar salyndy.