2026 jyldyń sońyna deıin Qazaqstanda renovasıa baǵdarlamasy boıynsha 224 kóppáterli úı súriledi. Turǵyndarǵa jańa baspana nemese aqshalaı ótemaqy beriledi, dep habarlaıdy infohub.kz.
Ónerkásip jáne qurylys mınıstrliginiń habarlaýynsha, baǵdarlamaǵa qatysýǵa nıet bildirgen ınvestorlar elimizdiń barlyq óńirinde bar. Alaıda Jambyl oblysy ázirge erekshelik – onda múddeli qurylys salýshy áli tabylmaǵan.
Jumysty bastaý úshin bıliktiń bir ǵana sheshimi jetkiliksiz. Qurylys salýshy úıdi súrýge jáne jańasyn salýǵa barlyq páter ıeleriniń kelisimin alǵannan keıin ǵana kirise alady.
«Eger bir ǵana turǵyn qalsa da, onyń kelisimi qajet. Bir páterde birneshe adam tirkelgen bolsa, sol turǵyn úıde úlesi barlardyń barlyǵynyń kelisimi mindetti», — dedi Qazaqstan Respýblıkasy Ónerkásip jáne qurylys mınıstrligi Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary Qanat Myńbaev.
Sondaı-aq ol úıdiń adam ómirine qaýip tóndiretin jaǵdaılarda ǵana erekshelik jasalýy múmkin ekenin túsindirdi. «Sot arqyly shyǵarýǵa kelsek – eger turǵyn úı adam ómirine qaýip tóndirse, bul jaǵdaıda sot shyǵarý týraly sheshim shyǵarady», — dep atap ótti Qanat Myńbaev.