InfoHub Logo

Taıaý Shyǵystaǵy geosaıası shıelenis saldarynan Birikken Arab Ámirlikterinen elge orala almaı jatqan qazaqstandyqtardyń sany 300-ge jýyqtady. Bul týraly Syrtqy ister mınıstrliginiń resmı ókili Aıbek Smadıarov málimdedi.

— Atalǵan qıyndyq jergilikti áýe kompanıalarynyń reısterdi ýaqytsha toqtatýy saldarynan týyndap otyr, — dedi Smadıarov.

Aıta keteıik, 14 maýsym kúni QR SİM resmı túrde Iran, Izraıl, Sırıa, Irak, Iordanıa jáne Lıvannyń áýe keńistiginen ushýǵa tyıym salynǵanyn habarlaǵan bolatyn. Soǵan qaramastan, Qazaqstannan BAÁ baǵytyndaǵy týrısik reıster jalǵasyp, týrıserdiń bir bóligi keri qaıta almaı otyr.

Qazirgi tańda SİM týrısik agenttikter, áýe kompanıalary jáne «Týrısik Qamqor» qorynyń qoldaýymen shetelde qalǵan azamattardy elge qaıtarý baǵytynda jumys júrgizip jatyr.

Mınıstrlik turǵyndarǵa Taıaý Shyǵys elderine sapar sheger aldynda qaýipsizdik jaǵdaıyn muqıat zertteýge jáne táýekelderdi eskerýge keńes beredi.